பிரான்சில் தமிழ் இளைஞரை கொலைசெய்த 20 வயதுடைய இலங்கை தமிழர் கைது

பிரான்சின் தலைநகர் பாரிசின் புறநகர் பகுதியான லாகூர்நெவ்வில் அண்மையில் 26 வயதுடைய சங்கரதாஸ் தேவராசா என்ற இளைஞரை மிகக் கோரமான முறையில் வெட்டிப் படுகொலை செய்த குழுவிலுள்ள முக்கிய குற்வாளி கைது செய்யப்பட்டுள்ளதாக லு பரிசியன் பத்திரிகை செய்தி வெளியட்டுள்ளது

20 வயதுடைய இலங்கை தமிழரான இந்த நபர் கடந்த புதன்கிழமை காலை நுவாசி லு கிறாண்ட் பகுதியில் இருக்கும் அவரது இல்லத்தில் வைத்துக் கைது செய்யப்பட்டுள்ளதாகவும் இவர் நீண்ட காலமாகவே காவற்துறையால் கண்காணிக்கப்பட்டு வந்தவர் என்றும் இந்த கொலை நடந்த லாகூர்நெவ் பகுதி அமைந்துள்ள சென் சென்டனி மாவட்ட காவல்துறையினரை மேற்கோள் காட்டி லு பரிசியன் பத்திரிகை செய்தி வெளியிட்டுள்ளது

கைது செய்பட்டுள்ள நபர் கொல்லப்பட்ட இளைஞன் மீது கோடாரியால் கொத்தியதைப் பார்த்தாக பல சாட்சிகள் தெரிவித்துள்ளதுடன் அவரை அடையாளம் காட்டியதாகவும் லு பரிசியன் பத்திரிகை கூறியுள்ளது.இந்த கொலையாளி வேறும் பல குற்றச்செயல்களுடன் தொடர்புடையவர் என விசாரணைகளிலிருந்து தெரியவந்துள்ளது.

இவர் கைது செய்யப்பட்டதையடுத்து இவருடன் சேர்ந்து இக்கொலையை புரிந்த ஏனையவர்களும் கைது செய்யப்படலாம் என காவல்துறையினர் தெரிவித்துள்ளனர்.