மீறல்கள்: திருமலை கும்புறுபிட்டியில் ஏற்பட்ட பதட்டம்…!

பசிலும் எதிரணியிலா…??

December 19, 20143:35 pm

பொது வேட்பாளர் மைத்ரிபால சிறிசேன தேர்தலில் வெற்றி பெற்றதும் ஏற்கனவே ஐக்கிய தேசிய கட்சியிடம் இருக்கும் நாற்பதுக்கும் அதிகமான பாராளுமன்ற உறுப்பினர்களுடன் தற்போது இணைந்து கொண்டுள்ளவர்கள் மற்றும் தேர்தலைத் தொடர்ந்து குழுவாக கட்சி மாறக் காத்திருப்பவர்கள் என அனைவரையும் ஒன்றிணைத்து 170க்கும் அதிகமான உறுப்பினர்களைக் கொண்ட உறுதியான அரசாங்கம் அமையப்பெறும் என தெரிவித்துள்ள ஜாதிக ஹெல உறுமய பாராளுமன்ற உறுப்பினர் முன்னாள் அமைச்சர் சம்பிக்க ரணவக்க, தொடர்ந்தும் ஓரளவு இரு பக்கமும் சமமாக நடந்து கொள்ளும் பசில் ராஜபக்சவும் எதிரணியில் இணைந்து கொள்ளும் வாய்ப்பிருப்பதாக தெரிவித்துள்ளார்.

நாமல் மற்றும் சமல் ராஜபக்ச ஆகிய இருவருமே முரண்டு பிடிப்பவர்கள் எனவும் பசில் ராஜபக்ச உட்பட ஏனைய அனைத்து சு.க உறுப்பினர்களும் எதிரணியில் இணைந்து கொள்வார்கள் எனவும் அவர் மேலும் தெரிவித்துள்ளதோடு நிறைவேற்று ஜனாதிபதி முறைமை ஒழித்தல் உட்பட சில முக்கிய பிரச்சினைகளுக்கு கூட்டுத் தீர்வு எட்டப்பட்டதன் பின் பொதுத் தேர்தல் நடாத்தப்படும் என தெரிவித்துள்ளார்.

பொதுத் தேர்தலில் கூடுதலான ஆசனங்களைப் பெறும் முதல் இரண்டு கட்சிகளுக்கு முறையே பிரதமர் மற்றும் பிரதிப் பிரதமர் பதவிகள் வழங்கப்படும் என ஏற்கனவே பொது வேட்பாளர் மைத்ரிபால சிறிசேன அறிவித்துள்ளமை குறிப்பிடத்தக்கது.

http://www.jvpnews.com/srilanka/90880.html

அனந்தி, சிவாஜிலிங்கம் மறுப்பு! பட்ஜெட் நிறைவேற்றம்

December 19, 20143:49 pm

வடமாகாண சபையின் 2015ஆம் ஆண்டுக்கான வரவு – செலவுத்திட்டம் மீதான் வாக்கெடுப்பின் போது தாங்கள் நடுநிலை வகிக்கப்போவதாக ஆளுங்கட்சி உறுப்பினர்களாக அனந்தி சசிதரன், எம்.கே.சிவாஜிலிங்கம் ஆகியோர் தெரிவித்ததையடுத்து, மற்றைய ஆளுங்கட்சி மற்றும் எதிர்க்கட்சி உறுப்பினர்களின் ஆதரவுடன் வரவு-செலவுத்திட்டம் நிறைவேறியது.

வடமாகாண சபை வரவு – செலவுத்திட்டத்தில் வடமாகாண ஆளுநர் ஜி.ஏ.சந்திரசிறிக்கு அதிகளவு நிதி ஒதுக்கீடு செய்யப்பட்டுள்ளதை கண்டித்து தாங்கள் நடுநிலை வகிப்பதாக இருவரும் தெரிவித்தனர்.

வடமாகாண சபையில் 2015ஆம் ஆண்டுக்கான வரவு – செலவுத்திட்டம் மீதான விவாதம் கைதடியில் அமைந்துள்ள வடமாகாண சபையில் கடந்த புதன்கிழமை (17) தொடக்கம் வெள்ளிக்கிழமை (19)இடம்பெற்றது.

வடமாகாண ஆளுநர், பிரதம செயலாளர் அலுவலகம், முதலமைச்சர், 4 அமைச்சுக்கள் மற்றும் பேரவை செயலகம் ஆகியவற்றுக்கு தனித்தனியாக நிதி ஒதுக்கீடு செய்யப்பட்டது.

ஆளுநருக்கு தனிப்பட்ட ரீதியில் ஒதுக்கப்பட்ட 60 மில்லியன் ரூபாய் நிதியும் முல்லைத்தீவு மாவட்டத்தின் வெலிஓயா பிரதேச சபைக்கு வடமாகாண சபையால் ஒதுக்கப்பட்ட நிதியும் நிறுத்தி வைப்பதாக வடமாகாண முதலமைச்சர் சி.வி.விக்னேஸ்வரன் தெரிவித்தார். மிகுதி ஒதுக்கப்பட்ட நிதியை உறுப்பினர்கள் ஏற்றுக்கொண்டனர்.

http://www.jvpnews.com/srilanka/90883.html

திருமலை கும்புறுபிட்டியில் ஏற்பட்ட பதட்டம்…

December 19, 20144:32 pm

கும்புறுபிட்டி ,சின்னகராச்சி பகுதியில் அமையவிருக்கும் தனியார் உப்பள வேலைக்கு வந்த தனியார் நிறுவனத்தினருக்கும் , அப்பகுதியில் தொழில் செய்யும் பிரதேச மக்களிற்கும் இடையில் ஏற்பட்ட பதட்டமான சூழ்நிலையில், பொலிசார் குவிக்கப்பட்டதனையடுத்து,, அப்பதட்டமான நிலையில் அப்பகுதி மக்களிற்கு பாதிப்பு ஏற்படாமல் தடுக்கப்பட்டதோடு ,, உப்பள வேலை தற்காலிகமாக நிறுத்தப்பட்டுள்ளது.

மக்களின் எதிர்ப்பின் மத்தியிலும் ,, மக்களின் ஜீவனோபாயம் பாதிக்கப்படும் நிலையிலும் உருவாகும் இத்தனியார் உப்பளத்தினை நிரந்தரமாக நிறுத்துவதற்கு முயற்சிகள் செய்கிறோம். குறித்த நேரத்தில் கிழக்குமாகாண சபை உறுப்பினர் ஜெ.ஜெனார்த்தனன் மற்றும் குச்சவெளி பிரதேச சபை உறுப்பினர் புஸ்பகாந்தன் ஆகியோர் அவ்விடத்தில் பிரசன்னமாயிருந்தனர்….பிரதேச மக்கள் இத்தனியார் உப்பளத்திற்கு கடும் எதிர்ப்பினை தெரிவிக்கின்றார்கள்.