ஞானசார தேரர் மற்றும் சம்பிக்க ஆகியோருக்கு எதிராக 2 லட்சம் முறைப்பாடுகள்!

ஜப்பானுக்கும் இலங்கைக்கும் இடையில் புதிய உறவுத் திட்டங்கள்

[ திங்கட்கிழமை, 28 யூலை 2014, 04:09.46 PM GMT ]

ஜப்பானுக்கும் இலங்கைக்கும் இடையிலான உறவை புதுப்பித்துக் கொள்ள இரண்டு நாடுகளும் இருதரப்பிலும் மேம்படுத்தல்கள் மேற்கொள்ளப்பட வேண்டும் என்று ஜப்பான் தெரிவித்துள்ளது.

ஜப்பானின் பொருளாதார அமைச்சர் கசுயாசி அகாபா இன்று இலங்கையின் ஜனாதிபதி மஹிந்த ராஜபக்சவை அலரி மாளிகையில் சந்தித்த போது இந்த கருத்தை வெளிப்படுத்தினார்.

இதன்போது இரண்டு நாடுகளின் தரப்பிலும் பொருளாதாரம் மற்றும் வர்த்தகத்துறைகள் தொடர்பில் கலந்துரையாடல்கள் நடத்தப்பட்டன.

இந்தநிலையில் ஜப்பானின் புதிய முதலீடுகளை தாம் எதிர்பார்ப்பதாக ஜனாதிபதி குறிப்பிட்டார்.

இதேவேளை இலங்கையின் ஒலிபரப்பு மற்றும் சுற்றுலாத்துறைக்கு உதவிகளை வழங்கத் தயாராக இருப்பதாக ஜப்பானிய அமைச்சர் உறுதியளித்தாக ஜனாதிபதி ஊடகப்பிரிவு குறிப்பிட்டுள்ளது.

http://www.tamilwin.com/show-RUmsyHRcLcho3.html

ஞானசார தேரர் மற்றும் சம்பிக்க ஆகியோருக்கு எதிராக 2 லட்சம் முறைப்பாடுகள்!

[ திங்கட்கிழமை, 28 யூலை 2014, 04:21.59 PM GMT ]

பொதுபல சேனாவின் செயலாளர் கலகொட அத்தே ஞானசார தேரர் மற்றும் அமைச்சர் சம்பிக்க ரணவக்க ஆகியோருக்கு எதிராக 24 மணித்தியாலங்களுக்குள் 2 லட்சம் முறைப்பாடுகள் முகநூல் நிர்வாகத்துக்கு கிடைத்ததாக தகவல்கள் வெளியாகியுள்ளன.

இதில் ஆசிய நாடுகளில் இருந்தே அதிக முறைப்பாடுகள் கிடைத்தன.

இந்தநிலையில் பொதுபல சேனாவின் வாசகர் பக்கத்துக்கு எதிராக மொத்தமாக 50 லட்சம் முறைப்பாடுகள் கிடைத்துள்ளன.

பங்களாதேஸ் மற்றும் பாகிஸ்தானில் இருந்து அதிகளவான முறைப்பாடுகள் கிடைத்ததாக தெரிவிக்கப்பட்டுள்ளது.

எனினும் எந்த மதத்துக்கு எதிராகவும் தாம் முகநூலை பயன்படுத்தவில்லை என்று ஞானசார தேரர் முகநூல் நிர்வாகத்துக்கு அறிவித்துள்ளார்.

http://www.tamilwin.com/show-RUmsyHRcLcho4.html