நாளை(23) நோ பயர் சூன் ஆவணப் படம் லண்டனில் வெளியிடப்படும் !

லண்டனில் நாளை(செவ்வாய்கிழமை) யுத்த தவிர்பு வலையம் பாகம் 2 எனும் ஆவணப்படம் வெளியிடப்படவுள்ளது. இதுவரை பல இடங்களில் இந்த ஆவணப்படத்தின் முன்னோட்டமே காண்பிக்கப்பட்டது. இருப்பினும் அதன் முழு நீளப் படமும் நாளை லண்டனில் உள்ள, ஊடகவியலாளர் நிலையம் ஒன்றில் காண்பிக்கப்படவுள்ளதாக காலம் மக்ரே அவர்கள் அதிர்வு இணையத்துக்கு இன்று தெரிவித்தார். மே மாதம் இந்த ஆவணப் படமானது திரையரங்குகளில் வெளியிடப்படவுள்ளதாகவும், அமெரிக்கா , அவுஸ்திரேலியா, கனடா , இந்தியா போன்ற நாடுகளில் தாம் இதனை வெளியிடவுள்ளதாகவும் அவர் மேலும் தெரிவித்துள்ளார். 

சுமார் 90 நிமிடங்கள் காட்சியாக்கப்பட்டுள்ள இந்த ஆவணப் படத்தில் சில முக்கிய போர் குற்ற ஆதாரங்கள் இணைக்கப்பட்டுள்ளது. இவை பிரித்தானிய திரையரங்குகளில் திரையிடப்படும் வேளை, இதனை பார்க்கும் வேற்றின மக்கள் மனதில் நிச்சயம் ஒரு மாற்றம் உருவாகும் எனவும் அவர் மேலும் கருத்து தெரிவித்தார். இது தமிழர்களுக்கு மிகவும் சாதகமான ஒரு சூழலை தோற்றுவிக்கும் எனவும் எதிர்வு கூறப்படுகிறது. அதிர்வு இணையமானது இந்த ஆவணப்படத்திற்கு, எமது களஞ்சியத்தில் இருந்து சில அரிய வகையான வீடியோக்களைக் கொடுத்துள்ளது. இதற்கு அமைவாக நோ பயர் சூன் ஆவணப் படமுடிவில் , அதிர்வு இணையத்துக்கும் நன்றி தெரிவிக்கப்பட்டுள்ளமை இங்கே குறிப்பிடத்தக்க விடையம் ஆகும்.

http://www.athirvu.com/target_news.php?getnews=news&action=fullnews&showcomments=1&id=4901